:: كلمه بحبك لما جتنى وقولتها هههههههههه!! ::

[ندعوك للتسجيل في المنتدى أو التعريف بنفسك لمعاينة هذه الصورة]



*بعد ماعرفوا بعض بأسبوعين...... [ندعوك للتسجيل في المنتدى أو التعريف بنفسك لمعاينة هذه الصورة]


هــــو: أنا عايز اقولك على سر شلته فى قلبى سنين

هـــى: قول مالك؟

هـــو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى

هــــى: وأنا كمان ياحبيبى بحبك بقالى 3 شهور و5تيام و6ساعات وربع



هــــو: صحيح؟ يااااااااااه ...ده احلى يوم فى حياتى

هــــــى: وأنا كمان..بس هنعمل ايه؟ واهلى واهلك والدنيا والناس؟

هــــــو: هحبك وتحبينى ياعمرى وكفاية نبقى سوا

هـــــى: طب ياحبيبى أنا بقول كده برضه بس مانطولش فى الحكاية ماشى؟






*فاتت سنة غرام وهيام وأحلى كلام.........


هـــــى: احنا هنفضل كده كتير ياحبيبى واهلينا مايعرفوش؟


هـــــو: ليه ياحبيبتى أنا بس اظبط نفسى فى الشغل واجى اتقدملك على طوووووووول


هــــى: امتى بقى يحصل ده؟....يااااه ده أنا هبقى أحلى كركوبة فى الدنيا

هـــــو: قريب ياحبيبتى قريب كلها 12 سنه بالكتير



*فاتت كمان سنة وهو ولا هنا وهى هتطق من الغيظ...... [ندعوك للتسجيل في المنتدى أو التعريف بنفسك لمعاينة هذه الصورة]


هـــى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-


هـــــو: كده ازاى ياحبيبتى؟ مااحنا اشطه اهو وآخر تمام



هـــــى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟



هــــــو: تقصدى ايه ياروحى؟ اصبرى بكره يبقى عندنا بيت وأولاد



هــــى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك



هــــــو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى



هــــى: لأ انا مش عايزاك تعمل كده أنا هكلم بابا وماما وانت تاخد خطوة بقى




*أسبوع...اتنين...تلاته.تليفونه غير متاح...مابيردش ....وأما رد....

هـــى: انت فين مش لاقياك؟



هــــو: معلش تليفونى كان فاصل شحن وكنت بشحنه



هــــى: بقاله شهر فاصل شحن وبتشحنه؟! ليه انت كنت بتشحنه غاز؟


هـــــو: خلصنا بقى..قصرى ..خير؟



هــــى: وهييجى منين الخير ياروحى وانت مانفذتش اللى اتفقنا عليه؟



هــــو: هو احنا اتفقنا على حاجه؟!


هــــى: نعم ياروح أمك؟ امال تقطيع شرايينك واوردتك وشرب مية النار ده كان ليه؟



هـــــو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر



هــــى: ياواطى ياندل....ماهيتاب؟!!!! طب وأنا؟



هـــــو: ماتغلطيش بس وانسى الجرجير واللمون...انتى مش فاهمه حاجة



هـــــى: انسى؟ ده اخر كلام عندك؟..اصلى مش ناوية افهم



هـــــو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...
لكن أهلى قالولى إما ماهيتاب أو الطرد من البيت


هـــى: اوك..اشطه يامان...سى يو...باى




الخــــــــلاصـــــــــــة

- مابنى على باطل فهو باطل


- كلمة بحبك بقت اسهل كلمة بتتقال واسهل كلمة بتتنسى[ندعوك للتسجيل في المنتدى أو التعريف بنفسك لمعاينة هذه الصورة]

ولا انت ايه رايكوا يابنات ويـاشــباب